Errefuxiatuak ezagutuz

Nola sentituko ginateke gure etxea, familia, ingurua, lagunak... uztera behartuak egongo bagina? Zein da errefuxiatu eta lekualdatuen arteko desberdintasuna?

Jarduerarekin hasteko, lau talde sortu eta Lluis Magriñá-ren testuan agertzen diren testigantzak (1.1. Fitxa) eta errefuxiatu eta lekualdatuei buruzko informazioa (1.2. Fitxa) banatuko ditugu. Bi taldek datuekin lan egingo dute eta gelan aurkeztuko dituzten grafikoak egingo dituzte. Beste bi taldeek, pertsonen testigantzekin lan egingo dute euren egoera eta egoeraren arrazoiei buruzko hausnarketa egingo dute. Honez gain, egoera hau hobetzeko proposamenak pentsatzea eskatuko dizkiegu taldeei. Azalpen eta datuak, horman zintzilikatu daitezke denen eskura egon daitezen.

Oharra: testuak ingelesez, gazteleraz eta frantsesez dauzkagu.