Mundu uniformea. Mundu anitza.

Taldearen dinamizatzaileak proposatuko die pentsa eta deskriba dezatela nolakoa izango litzatekeen uniformetasunaren kontsigna nagusituko litzatekeen planeta edo lurralde zehatz bat. Deskribatu beharko dute nola jango luketen, nola jantzi, zein hizkuntza erabili, nor izango litzatekeen gidari, produkzio nagusia, moneta, etab. Ondoren, proposatuko zaie pentsa eta deskriba dezatela hurrengo kontsigna hau izango lukeen planeta edo lurralde bat: “Gaitasunak batu ditzagun. Hezkuntza inklusiboaren alde”. Azkenik, ondorioak kartoi mehe batean idatziko dira eta galdera batzuk erantzungo dira.