Mugetatik haratago: emakume eta neskato migratzaile eta errefuxiatuak

Gaur egun, guztiok gara mundu mailan ematen ari den behartutako lekualdatze krisiaren lekuko. Krisi hau, baretu beharrean, indarra hartzen ari da eta ez zaio erantzun egokia ematen. Giza-mugimendu prozesuetan emakumeen partaidetza gero eta handiagoa da eta eraldatzen ari da. Munduko leku askotan, emakume eta neskatoek beren etxeetatik ihes egin behar dute hainbat arrazoiengatik: egiturazko indarkeriengatik (ezin dute bizitza duinerako baldintzarik izan), genero-indarkeriagatik, indarkeria armatu eta gerrengatik, klima aldaketengatik edo haien lurretan bizitako baliabide naturalen ustiapenengatik.