Nolakoa da errefuxiatuekin egiten den lana?

Zeintzuk dira etorkinek jasaten dituzten bidegabekeriak? Zein da lekualdatu eta errefuxiatuekin egin behar den lana? Zein motatako beharrei erantzun behar zaie?

Ideia-jasa batekin hasiko gara ondorengo galderei erantzunez:

• Zer dakigu errefuxiatu eta lekualdatuei buruz?

• Nola sentitzen dira lekualdatu eta errefuxiatuak?

• Zeintzuk dira pertsona hauen beharrak?

Lluis Magriñá-ren dokumentua (3.1. Fitxa) irakurriko dugu bakarka, eta testutik gehien harritu gaituena komentatuko dugu hurrengo galderei erantzunez: zer da errefuxiatuen bizimodutik gehien harritzen gaituena? Eta Errefuxiatuentzako Jesuiten Zerbitzutik? Gauza garrantzitsuagoak daudela uste dugu? Zer?

Ondoren, Ipar zein Hegoaldeko errefuxiatuekin egin beharreko lanari buruzko manifestu bat idatziko dugu taldeka. Denak irakurrita ditugunean, bat aukeratuko dugu gertuko komunikabide batera bidaltzeko. Gelan zintzilikatzeko horma-irudi handi bat ere egin dezakegu manifestuekin.

Oharra: testuak ingelesez, gazteleraz eta frantsesez dauzkagu.