Zer esan nahi du edertasuna hitzak?

Pertsona bakoitzaren itxurak eragina al dauka lan bat lortzerako orduan edota jendearekin erlazionatzerako orduan? Uste dugu pertsona guztiek izan behar al dituztela aukera eta eskubide berberak itxura fisikoari erreparatu barik? Zer egin dezakegu guk hau horrela izateko? Taldeka, gizartean edertasunak duen garrantzia zalantzan jartzen duen dilema moral bat irakurriko dute.

Lanpostu baterako elkarrizketa da. Kasua irakurri eta taldean eztabaidatutakoan, egiten diren galderei erantzungo diete erabaki adostu batera iristen ahaleginduz. Ondoren, edertasun idealarekin zerikusia duten gai eta irudien inguruko ikerketa eta dokumentazio lan bat egingo dute. Amaitzeko, irudiaz gehiegi kezkatzeak eragiten dituen ondorio batzuen gainean lan egiteko proposamena egingo da anorexia eta bulimia, edertasun ideala, osasunerako eskubidea edo elikadura egoki baterako eskubidearekin zerikusia duten gai eta irudiak ikertuz.

Denbora edo ikasleen egoeraren arabera, jarduera labur daiteke edo dauden kasuetako bakar bat lantzea.